logo-samandehi

    قوانین انجمن:
  • سرقت ادبی ممنوع
  • هر شاعر می تواند هر هفته یک شعر درج نماید. اشعار در پایان هفته توسط مدیران بررسی و تایید می گردد.
  • از ارسال تاپیک و کامنت موهن جداً خودداری نمایید و از نقد غیر تخصصی و احساسی بپرهیزید.
  • به جای درج پاسخ های کوتاهی مانند «زیبا بود» ، از گزینه ی «تشکر» استفاده نمایید.


آخرین موضوع ها: --- تبریک سال نو --- انتشار مجموعه غزل «نشسته در ته فنجان» اثر سید مهدی حسینی( مسافر) --- دعوت به همکاری در مدیریت --- آغاز فعالیت کانال تلگرام انجمن شاعران جوان --- آغاز فعالیت صفحه ی رسمی اینستگرام انجمن شاعران جوان --- ثبت اشعار اعضای انجمن در سامانه ثبت وزارت ارشاد --- جلسه حضوری کارگاه تخصصی غزلترانه --- گزارش دومین عصر شعر ۳۱ تیرماه ۹۵ --- مسابقه فیلم نامه نویسی ---

ارسال پاسخ 
 
امتیاز موضوع:
  • 0 رأی - میانگین امتیازات: 0
  • 1
  • 2
  • 3
  • 4
  • 5
قوجامان آرواد
۹۵/۳/۲, (۱۱:۲۷ عصر)
ارسال: #1
قوجامان آرواد
چیلله گونلرینین بیری ایدی . کؤلک ، قاپی – پنجره نی بیربیرینه ووروردو . . گوندوز یئنی جه باشلاماقدا ایدی . قوجا آرواد یالانجی یوخودان اویانیب ، آیاقا قالخدی . یاماقلی چادراسینی باشینا سالیب ، بالاجا کاساسینی الینه آلیب ، اتاقیندان ائشیکه چیخدی . اؤنجه آز قالمیشدی کولک قوجامان آروادی ییخسین .آما او نئچه ایللر ایدی بئلنجی کولک لره آلیشمیشدی . بو کولک لر آپاریسی ده گیل ایدی . یاواش یاواش یولا دوشوب گئتدی . گؤنده کی یئرینه چاتارکن اوتوروب کاساسینی قاباقینا ، یولون کنارینا قویوب ، چادراسینی اوزونه چکدی . هاوا چوخ سویوق ایدی . ائله بونا گؤره خیاباندا چوخ آدام یوخ ایدی . هامی ماشینلا گل – گئت ائدیردیلر. قوجامان آرواد باخدی اوزاقدان بیر ساققاللی کیشی الینده ایسه بیر اوزون تسبئح یاخینلاشماقدادیر . قوجامان آروادی گؤررکن الینی جئبینه سالیب ، چتینلیکله بیر ساری بئش تومن لیک چیخاریب ، قوجامان آروادین کاساسینا سالدی . بئش تومن لیک کاسادا فیرلانیردی . او کیشی ده دیل آلتی سوؤزلر دئیه دئیه اوزاقلاشدی .
قوجامان آرواد گئچمیشلری آنیردی . اوشاقلیقیندا آتاسینین یانیندا اوتوروب ، بئینینه گلن سورغولاری ، سوروشاردی . آتاسی دا باشاریب – بیلدیکجه او سورغولارا جاواب وئریردی . بیر چاغدا آناسینین قوجاقیندا ، آغلارکن یاتاردی ...
آتاسی الینده ایستی چؤره ک هر آخشام گلیردی . آناسی ایسه پالتارلارینی یویوب ، اونا لایلا چالاردی . بیر چاغدا علی ایله ائولنمکینی آنیردی . توی چاغلاری ، نه گؤزه ل آنلارایدی . آنیردی اوغلو یاشار یئنی جه دونیایا گلمیشدی هامی سئوینیردی . آما حئیف ایندی اؤزو ایله اوغلو یالنیز قالمیشدیلار .
ائله بو دوشنجه لرده ایدی ، آیری بئش تومن لیک سسی اونو اؤزونه گئتیردی . قوجامان آرواد بئش تومن لیک لره باخاراق گئنه خایال دونیاسینا قاییتدی .
اوغلو یاشاری آنیردی . یاشار ، ایندی ایسه تهراندا ایشلمک زوروندا ایدی . او ، سارای ایله ائولنمک پاراسی توپلاماق ایچین تهرانا گئتمیشدی . قوجامان آرواد ، قوجامان آرواد ، تکجه اوتاقیندا اوتورموشدو ، بیردن بیر آیاق سسی ائشیتدی . اوغلونون آیاق سسینی تانیردی . تئز یئریندن آتیلیب قاپی یا ساری یؤنلدی . اوغلونو قوجاقلاییب ، اؤپوب ، ایچه ری گئتیردی . اونون ایچین چای دمله ییب ، تئز ائولنمک سؤزونو آرایا چکدی . یاشار ، اوتانجاقدان قیزاریب دئدی : آنا ، دوغروسو گلمیشم سنی سارایا ائلچی گؤندرم ...
آناسی سئوینجکدن آغلاییب دئدی : آنان سنه قوربان اولسوم اوغلوم ، نئچه ایلدیر بو سؤزون ائشیتمه گینی گؤزله ییردیم . منیم گؤزوم اوسته اوغلوم .یوباتمادان بو آخشام سنین ایچین ائلچی گئدیب ، سارایی اؤزومه گلین ائده رم . ..
آخشام اولدو . قوجامان آرواد ، اؤز باخیشیندا یئنی ، باهالی اولان پالتارلارینی گئیینیب ، سارای گیلین ائولرینه ساری گئتدی . بیر ایکی ساهات دانیشماقدان سونرا سئوینه – سئوینه قاییدیردی . ائله بیل دونیانی آلمیشدی . گوله گوله یاشاری قوجاقلاییب دئدی : سارایی آلدیم ، سارایی آلدیم ، یاریندان توی باشلایاجاق . یاشار سئوینجه کیندن آناسینین الیندن اؤپدو .
قوجامان آرواد گئدیب بیر بوجاقدان بیر کیسه پول چیخاریب ، یاشارا وئریب دئدی : گل اوغلوم ، بو پوللاری سنین ایچین ساخلامیشام . گل بودا منیم توی قیزیلیم ، رحمتلیک آتان منه آلمیشدی . گل آپار بو قیزیللاری سات اؤزونه توی ائله ... یاشار پوللار ایله قیزیللاری آلیب ، بازار ساری گئتدی ...

قوجامان آرواد اؤز باخیشیندا یئنی – باهالی اولان پالتارلارینی گئییب ، تویدا اویناییردی . یاشار سارنین الیندن توتموشدو ، گلیردیلر . سارانین آتا ، آناسیدا اویناییردیلار ...
همن اوزون ساققاللی کیشی ، الینده بیر اوزون تسبئح قاییدیردی. قوجامان آروادا یاخینلاشارکن گوج ایله الینی جئبینه سالیب گئنه بیر ساری بئش تومن لیک چیخاریب کاسایا سالدی . سونرا اوتوروب دئدی : خانیم ، ایستی ائویمیز وار گلیرسن می ؟ بو بئش تومن لیک ، قوجامان آروادین کاساسیندا ، اؤچونجو بئش تومن لیک ایدی . آما او اوزانیب ، یاتمیشدی . گؤزلری گوله گوله کاسادا بئش تومن لیک لره باخیردی . کیپریک وورمادان ، نفس آلمادان ، بدنی بوز باغلامیشدی . آما گؤزلرینده هله یاشارین تویوایدی .


یازار : آیدین یئنیلمز

★★★★★★★★★★★★★★★★★★★★★★★★
عــشقین کے قــراریندا وفــــا اولمیاجایمیش
بیلمم کے طبیعت نـــیہ قویموش بو قرارے

★★★★★★★★★★★★★★★★★★★★★★★★
یافتن تمامی ارسال‌های این کاربر
نقل قول این ارسال در یک پاسخ
ارسال پاسخ 


پرش به انجمن:


کاربرانِ درحال بازدید از این موضوع: 1 مهمان

در گوگل محبوب کنید :