logo-samandehi

    قوانین انجمن:
  • سرقت ادبی ممنوع
  • هر شاعر می تواند هر هفته یک شعر درج نماید. اشعار در پایان هفته توسط مدیران بررسی و تایید می گردد.
  • از ارسال تاپیک و کامنت موهن جداً خودداری نمایید و از نقد غیر تخصصی و احساسی بپرهیزید.
  • به جای درج پاسخ های کوتاهی مانند «زیبا بود» ، از گزینه ی «تشکر» استفاده نمایید.


آخرین موضوع ها: --- دعوت به همکاری در مدیریت --- آغاز فعالیت کانال تلگرام انجمن شاعران جوان --- آغاز فعالیت صفحه ی رسمی اینستگرام انجمن شاعران جوان --- ثبت اشعار اعضای انجمن در سامانه ثبت وزارت ارشاد --- جلسه حضوری کارگاه تخصصی غزلترانه --- گزارش دومین عصر شعر ۳۱ تیرماه ۹۵ --- مسابقه فیلم نامه نویسی ---

ارسال پاسخ 
 
امتیاز موضوع:
  • 0 رأی - میانگین امتیازات: 0
  • 1
  • 2
  • 3
  • 4
  • 5
منیمده بیر سئوگیلیم وارئیدی
۹۵/۳/۲۹, (۰۶:۲۹ عصر) (آخرین ویرایش در این ارسال: ۹۵/۳/۲۹ (۰۸:۴۳ عصر)، توسط آذراوغلو.)
ارسال: #1
منیمده بیر سئوگیلیم وارئیدی
شهرين‌ هر گؤنكو اوزونو گؤرمك‌دن‌ يورولموشدو.ايستر - ايسته‌مز دنيز قيراغينا دوغرو گئديردي‌.دووارلار قورو هيكل‌لر كيمي‌ بيري‌ - بيرينه‌سؤيكنميشديلر. كوچه‌لرين‌ قورو و اؤلموش‌تورپاقلاري‌ گوموش‌ كيمي‌ پاريلدايان‌ شئح‌قوملارا دويونلنميشدير. سرين‌ يئل‌ اسيردي‌.دالغالار ايمكله‌يه‌ - ايمكله‌يه‌، ساحيله‌ باش‌ ووران‌قاييديردي‌. آياقلاري‌نين‌ اوجو ايسلاناناقدرايره‌لي‌ گئديب‌ داياندي‌. سويون‌ اوزونده‌ بيرقارالتي‌ گؤرونوردو، او ساكت‌ جه‌ سينه‌ دالغالاري‌اوزه‌رينده‌ اوزانميشيدي‌. بير آز اونا توموب‌،دنيزدن‌ نئچه‌ آدديم‌ اوزاقلاشدي‌.
اوزاقلاردا ماوي‌لر قوووشدوغو يئرده‌ گونشين‌سويا جوموب‌ بوغولماغينا باخيب‌ گؤلومسه‌دي‌.دنيزه‌ ساري‌ دؤننده‌ يئنه‌ گؤزو او قارالتي‌ ياساتاشدي‌. «گؤرن‌ كيم‌ ايميش‌ بو؟» سورغوسوگؤزلرينده‌ اوخونان‌ كيمي‌ دوداقلاري‌ نين‌بوزولمه‌سي‌ اعتناسيز «نه‌ بيليم‌» جوابيني‌بيلديردي‌.
آمما بير آز تئز گلسه‌ايديم‌ بلكه‌ اونو گؤررديم‌ -دئييه‌ فيكيرلشدي‌ گنج‌ بير اوغلان‌ گؤزلري‌نين‌اؤنونده‌ايدي‌، او قوملارين‌ اوستونده‌ يالقيزاوتوروب‌ ديزلريني‌ قوجاقلاميشدي‌. خورمايي‌تئللريني‌ يئل‌ پؤزوب‌ چاتما قاشلاري‌ ييغيشيب‌توتقون‌ قيافه‌سيني‌ آرتيق‌ كدرلي‌ گؤستريردي‌، آلاگؤزلري‌ وورولموش‌ مارال‌ گؤزو كيمي‌خومارلانيب‌ غملي‌ باخيشلاري‌ اوزاق‌ نوقطه‌يه‌ديكيلميشدي‌.
بو كيم‌ ايميش‌ - دئييه‌ايچه‌ريسينده‌ دانيشيردي‌.هانسي‌ كؤرپونون‌ آلتيندا بوغوب‌ سويا وئريبلرگليب‌ بوردان‌ باشي‌ چيخاريب‌... بلكه‌ده‌ دوشوب‌بؤغولوب‌... بلكه‌ده‌ اؤزونو قوتارماق‌ايسته‌ميشدير...
گؤزونون‌ اؤنونده‌ جانلانميش‌ گنج‌ اوغلانا باخيب‌گؤزلريله‌ سؤروشدو:
نه‌ غمه‌ چؤلغانيبسان‌؟ دنيز بو گون‌ چوخ‌ گؤزل‌ دير!بير آزدا اونا ساري‌ گئديب‌ لاپ‌ ياخينيندا يئره‌اؤتوروب‌ ايچه‌ريسينده‌ ديله‌ گلدي‌:
- من‌ بو يئرده‌ غريبم‌، وطنيمدن‌ آيري‌ دوشدويومه‌يامان‌ داريخيرام‌.
گؤزونون‌ آلتي‌ ايله‌ اؤنا باخيردي‌، رنگي‌سؤلموشدو. آغير بير آجي‌دان‌ عذاب‌ چكدييي‌بللي‌ايدي‌.
- سن‌ نئجه‌؟ سن‌ نييه‌ داريخيرسان‌.
بير آز او سويوق‌ هيكله‌ باخدي‌، او هله‌ ده‌سوسموشدو.
- گؤروسن‌ من‌ نه‌ راحات‌ اوره‌ييمين‌ سؤزونو سنه‌آچيرام‌ هله‌ اوره‌ييم‌ دولودور. يوخسا اوره‌ييميزين‌سوزونو بيري‌ - بيريميزدن‌ گيزلتمه‌يه‌ گلمز.
دالغالارين‌ دهشتلي‌ سسي‌ هر يئري‌ بوروموشدو.سرين‌ يئل‌ سوزالميش‌ گونشين‌ ساچلاريني‌اوزاقلارداكي‌ لپه‌لر اوسته‌ داغيتميشدي‌.
گنج‌ اوغلانين‌ پاك‌ اوره‌يي‌نين‌ دؤيونتولريني‌دويوردو. اؤنو اؤزونه‌ ياخينلاشديرماق‌ اوچون‌پيچيلدادي‌:
- بير آي‌ بوردا قالمالي‌يام‌، اوز شهريميزه‌ يئتيشن‌گؤن‌ تؤي‌ - دويون‌ باشلاناجاق‌؛ سني‌ده‌ بير دوست‌كيمي‌ تويوما چاغيرسام‌ گله‌ جكسن‌ مي‌؟
آجي‌ بير گولوش‌ سويوق‌ هيكلين‌ دوداغي‌نين‌بوجاغيندا قورودو. آستاجا سؤروشدو:
- آداخلي‌ سانمي‌؟
- هه‌ آداخلي‌يام‌، گؤزله‌يه‌نيم‌ وار، سن‌ نئجه‌؟
گنج‌ اوغلان‌ اؤوجونون‌ آرخاسي‌ ايله‌ گؤزونون‌بوجاغيندان‌ آخان‌ غم‌ دامجي‌سيني‌ سيليب‌ دؤنوب‌باخدي‌، باخيشلاريندا حسرت‌ دالغالانيردي‌.آخشامين‌ سرين‌ يئلي‌ نارين‌ قوملاري‌ اوزونه‌ووروردو، اؤ قونور كؤينه‌يي‌نين‌ قوللاريني‌قاتلاياراق‌ دئدي‌:
- منيم‌ ده‌ بير سئوگيليم‌ وارايدي‌...
بارماغي‌ ايله‌ قوملاري‌ يازيردي‌. باشيني‌ قالديريب‌چوخورا دوشموش‌ گؤزلريني‌ دنيزه‌ ديكه‌رك‌:
- اؤنون‌ ماوي‌ گؤزلري‌ ايستي‌ ساحيلده‌ ايكي‌تاي‌دا دنيزه‌ آچيلان‌ بير پنجره‌ كيمي‌ ايدي‌، او آغيربير خسته‌ليكدن‌ عذاب‌ چكيردي‌، من‌ بونا دؤزه‌بيلميردم‌.
هاوا آغيرلاشيردي‌؛ طبيعت‌ گؤزلليك‌لر توتوغون‌آرخاسيندان‌، قورخونج‌ قيافه‌سيني‌ اوزه‌چيخاريردي‌. اوره‌يي‌نين‌ آجي‌ ليغي‌ گؤزلرينده‌دؤيونوردو. ايچينده‌كي‌ هيجانلار اللرينده‌تيتره‌شيردي‌. گؤزلريني‌ گنج‌ اوغلاندان‌ گؤتوروب‌دالغالارين‌ اوزونده‌ قالان‌ قارالتي‌يا دؤندردي‌. «كيم‌ايميش‌» - دئييه‌ فيكيرلشيب‌ بير آز اوجادان‌سسلندي‌:
آمما سن‌ درد ايچينده‌ بيشميش‌ آداملارااوخشاييرسان‌، گركدير چتين‌ليكره‌ اؤيره‌نميش‌اولاسان‌.
آستاجا «اؤيرنميشم‌» دئييه‌ پوزغون‌ ساچلاريني‌گؤزونون‌ اونوندن‌ يانا چكن‌ گنج‌ اوغلان‌ بارماغيني‌دنيزه‌ ساري‌ توتوب‌ دئدي‌:
- او اوزاقلاري‌ گؤروسن‌ مي‌؟ من‌ هر آخشام‌ساعاتلار بوردا اؤتوروب‌، او اوزاقلاردا لپه‌لنن‌كيچيك‌ دالغالارا گؤز ديكيميشم‌. هر گون‌ ساري‌تئللي‌ گؤنشين‌ دنيزده‌ بوغولماسيني‌ گؤرموشم‌.بيردن‌ تعجب‌له‌ دونوب‌ باخاراق‌:
- سن‌ هاراليسان‌ دئدي‌.
ايچه‌ريسني‌ هؤوشنه‌ بورودو. سويوق‌ بير اوشوتمه‌اوره‌يينه‌ اسدي‌. اونو اوز دردي‌ايله‌ تانيش‌ بيلمه‌ديينيي‌ آنلاييب‌ استاجا دئدي‌:
- اؤزگه‌ دئييلم‌، من‌ ده‌ بو غم‌ دنيزي‌نين‌ساحيللرينده‌ ياشايانلاردانام‌. هله‌...دئدين‌ اوخسته‌ليكدن‌ جان‌ قورتارديمي‌؟
سازاقلي‌ كولك‌ گؤنشين‌ سولموش‌ تئللريني‌دنيزدن‌ اوزاق‌، قارانليقلارا سؤووروردو. آجي‌ بيرسس‌ اونو ديكسينديردي‌:
- هه‌ قوتاردي‌! اونو علاجسيزليقدان‌ آلمانياياآپارديلار. من‌ مين‌ اومودلا اونو يولاساديم‌. اوچاق‌گويه‌ قالخاندا اونا ال‌ قووزاديم‌... اوچ‌ هفته‌گؤزلريم‌ يولدا قالدي‌. بير گون‌ آخشام‌ گون‌ باتان‌چاغي‌ آناسي‌ گلدي‌، الينده‌ بير كؤينك‌ده‌گتيرميشدي‌. مني‌ گؤرن‌ كيمي‌ گؤزلري‌ دولدو.ايكيميزده‌ آغلاشديق‌ الينده‌ كي‌ كؤينه‌يي‌گوستريب‌ دئدي‌؛ بو كؤينه‌يي‌ سنه‌ آلميشدي‌ - بيرده‌ دئميشدي‌، سنه‌ دئييم‌ سون‌ نفسلرينده‌ده‌ سني‌اونوتماميشدي‌. ايندي‌ من‌ نئجه‌ اؤنو اونودا بيلرم‌؟
گنج‌ اوغلانين‌ گؤزلرينده‌ ياش‌ گيله‌لندي‌، يانيقلي‌سينه‌سيندن‌ درين‌ بير آه‌ چكيب‌ سوسدو.
سويون‌ اوزونده‌ كي‌ قارالتي‌ ساحليدن‌اوزاقلاشيردي‌. سويون‌ اوزه‌رينده‌ گينه‌ «نه‌ بيليم‌»دئيه‌ جواب‌ وئردي‌. آياقلاري‌ ايسلانميشدي‌.دالغالار آياغي‌نين‌ اوزونده‌ آريييب‌ قوملارلاپيچيلداشيردي‌. شهره‌ ساري‌ دؤنوب‌. ساحيلدن‌اوزاقلاشدي‌. سماسيز اوزاي‌ بوغونتو بير قارانليق‌ايچينده‌ ال‌ - آياق‌ چاليردي‌، دنيزدن‌ حزين‌ بيراوخوماق‌ سسي‌ ائشيديليردي‌:

اوچوبدور سئوگيليم‌ جنت‌ باغينا
اونونلا من‌ قاناد چالا بيلمه‌ديم‌
آلا گؤزلريني‌ يومدو دونيادان‌
نئيله‌ييم‌ قاداسين‌ آلا بيلمه‌ديم‌


گلدي‌ واي‌ خبرين‌ غريب‌ اؤلكه‌دن‌
گؤرسه‌يديم‌ دئيرديم‌ هارا گئديرسن‌
دؤيونجا گؤرمه‌ديم‌ جماليني‌ من‌
قولومو بوينونا سالا بيلمه‌ديم‌

سئودا گويلرينده‌ بولودا دولدون‌
آچماميش‌ غنچه‌ تك‌ ساراليب‌ سؤلدون‌
بيلميرم‌ هارايا كؤچمه‌لي‌ اولدون‌
سن‌ سيز بو دونيادا قالا بيلميرم‌


يئنه‌ ده‌ اوره‌يي‌ چيرپينماغا باشلادي‌، دؤنوب‌ساحيله‌ باخدي‌. ساحيلدن‌ اوزاق‌ سويق‌ اوزونده‌ بيرقارالتي‌ ساكت‌ جه‌سينه‌ دالغالارين‌ اوزه‌رينده‌اوزانميشيدي‌. گؤرن‌ كيم‌ايميش‌؟ دوداغي‌ آلتيندا«نه‌بيليم‌» دئييب‌، قورو تورپاقلي‌ كوچه‌لرين‌دؤنگه‌لرينده‌ گؤزلردن‌ ايتدي‌. كوچه‌لرين‌ سس‌سيزلييي‌ هئچ‌ نه‌يي‌ خاطيرلاتميردي‌

★★★★★★★★★★★★★★★★★★★★★★★★
عــشقین کے قــراریندا وفــــا اولمیاجایمیش
بیلمم کے طبیعت نـــیہ قویموش بو قرارے

★★★★★★★★★★★★★★★★★★★★★★★★
یافتن تمامی ارسال‌های این کاربر
نقل قول این ارسال در یک پاسخ
 سپاس شده توسط .آریا. ، sakinh
ارسال پاسخ 


پرش به انجمن:


کاربرانِ درحال بازدید از این موضوع: 1 مهمان

در گوگل محبوب کنید :