logo-samandehi

    قوانین انجمن:
  • سرقت ادبی ممنوع
  • هر شاعر می تواند هر هفته یک شعر درج نماید. اشعار در پایان هفته توسط مدیران بررسی و تایید می گردد.
  • از ارسال تاپیک و کامنت موهن جداً خودداری نمایید و از نقد غیر تخصصی و احساسی بپرهیزید.
  • به جای درج پاسخ های کوتاهی مانند «زیبا بود» ، از گزینه ی «تشکر» استفاده نمایید.


آخرین موضوع ها: --- دعوت به همکاری در مدیریت --- آغاز فعالیت کانال تلگرام انجمن شاعران جوان --- آغاز فعالیت صفحه ی رسمی اینستگرام انجمن شاعران جوان --- ثبت اشعار اعضای انجمن در سامانه ثبت وزارت ارشاد --- جلسه حضوری کارگاه تخصصی غزلترانه --- گزارش دومین عصر شعر ۳۱ تیرماه ۹۵ --- مسابقه فیلم نامه نویسی ---

ارسال پاسخ 
 
امتیاز موضوع:
  • 0 رأی - میانگین امتیازات: 0
  • 1
  • 2
  • 3
  • 4
  • 5
بو ائودن هیس اییسی گلیر
۹۵/۴/۲۴, (۰۱:۲۰ عصر)
ارسال: #1
بو ائودن هیس اییسی گلیر



تنگه ­نی دؤنوب دایانیرام قاپی­نین دالیندا. هیس اییسی گلیر... چوروموش قاپینی ایته ­له­ ییب حیطه کئچیرم. هر یئر سس­سیز – سمیرسیز.

 آغاج­لارین یئلده ترپنمه ­سینه باخیرام... گیردکان آغاجی قورویوب آلما آغاج­لاری سینیب، آلچا آغاج­لاری آنجاق هله آیاق اوسته. حیط اورتاسینداکی یئکه حوضون رنگی گئدیب بؤیرو چارتلاییب.

سارماشیق­لار دولاشیب بوتون قیزیل گول­لره... اوزوم آغاج­لارینا...

پیلله­ لری چیخیرام. تندیرین یاخینلیغیندا ایله­ شیرم، اوچموش دیوارلارا باخیرام، تندیرین ایچینده­ کی تیکه پارا کوللنمیش اودون­لارا.

گؤزلریمی یوموب سؤیکه­ نیرم دیوارا. بؤیوک ننه ­مین سسی گلیر. خمیری تشتده گتیریب ایله ­شیر تندیرین بؤیرونده. چرقدینی وئریب هؤروک­لری­نین آلتینا... "نارین خالا" دا کوچه ­نین آچیق قاپی­سینی تاققیلدادیب، ـ «کیم وار» دئیه دئیه ایچری کئچیر. قیچینی زورلا چکه – چکه پیلله ­لری چیخیر، اؤزونو بؤیوک ننه ­نین بؤیرونه وئریر... بؤیوک ننه­ باشلاییر خوش گلدینه. نارین خالا تؤوشوله­ دیکجه، سینه­ سی­نین خیسیلتی­سی قولاغیما دولور. ـ "نه یامان توستو سالیب­سان؟... کوچه ­نین باشینا گلیر اییسی"، دئییب گوللو دامنینی وئریر آلتینا. اوزوک­لرینی خینالی بارماق­لاریندان چیخاردیر، سونرا دا ال آتیر خمیره...

ـ "هئچ منه دئمه ­میشدین بو گون خمیر ائله ­یه­­ جک­سن؟"، دؤنور منه ساری، ـ "نه قاییریرسان هؤروک­لو قیز؟!"

یاواش سس­له دئییرم: ـ "ساغ اول!"

کونده­ لری بیر بویدا توتوب، برق کیمی ایشله ­ییر. اونو سپیر تاختایا، کونده ­لری فیرلادیب ییغیر تئشته سوفراداکی­لارین بؤیرونه، تئز ده اوستونو باستیریر قوروماسین­لار.

کونده­ لری یاییر، اوخلونو اوینادیر، پیچیلتی­یا باشلاییر... بیر آز کئچمه ­میش، منه باخیب گولش­لی اوزو آجیلانیر. ـ "دور گئت بیر چای گتیر! اوشاق بؤیوگون سؤزونه قولاق وئرمز..."

یئریمدن ترپنمه ­دن، بؤیوک ننه ­نین پؤرتموش اوزونه باخیرام. خمیردن جورلادیغیم بالاجا فطیرلری بوراخام دئیه منه گؤز قاش ائله ­ییر. زورلا دورورام چای حاضیرلاماغا. سؤزلریندن باشیم چیخماسا دا، تئز قاییدیرام قالانینی ائشیتمه ­یه. نارین خالا داها بیر سؤز دئمیر. بؤیوک­ ننه ده. من دئییرم: ـ "بس هانی منیم فطیرلریم؟"

نارین خالا نارین نارین گولور. هامیسینی تزه ­دن کونده­ له­ ییب لاواش ائله­ دییینی بیلیرم. حیرص بوغازیمی کسیر، قاش قاباقلا ایله ­شیرم...

نارین خالا ـ "خمیری اویناتمازلار، گوناه دیر!" دئییر، آلنی­نین ترینی سیلیر.

پیشمیش لاواش­لار تاختا کیمی قالانیر بیر بیری­نین اوستونه. بؤیوک ننه دوروب اونلاری یغییب آپاریر حیطین او باشینا.

نارین خالا ایله­ شدییی یئرده اؤزونو ترپدیب، یاخینلاشدیریر تندیرین باشینا. بیلنگ­لری­یله دامنینی آلتیندان چکیر، او حالدا یئکه قارنی ترپه ­نیر.

بؤیوک ننه گلیب ات پیتی­سینی قویور تندیره. سونرا کؤمک­له­ شیر نارین خالا دورسون. ـ "گئدک ائوه... بیر آز کئچسین، تندیر سویسون، گلریک قیچ­لاریوی سالارسان ایچینه."

ـ "هه باشیوا دؤنوم"، دئییب دورور آیاغا.

 قاچیرام ائوه ساری. بؤیوک حیطین ایچینده ایتمک ایسته­ ییرم... نالچانی سالیرام ائیوانا، نارین خالا ایله­ شرکن بالیشی گتیریب قویورام دالینا. منه باخدیغیندا، بالاجا گؤزلری ایشیلداییر، ـ "منیم جئیران بالام ساغ اولسون؟!"

الیمدن یاپیشیب منی ایله­ شدیریر بؤیرونده. جورابی­نین اوستونده ­کی کئشی آچیب اوردا گیزلتدییی  شیقالاتی اوزادیر منه ساری... گولومسه­ ییر.

یئل چوخالیر. یارپاق­لار تؤکولور حیطه، بوش حؤوضون ایچینه...

بؤیوک ننه چؤره ­ک­لری سولاییر، اونلاری قاتلاییر. سونرا لاواش­لارین آراسیندان بالاجا بیر فطیر چیخاردیب توتور منیم قاباغیما. ـ "بو دا سنین اؤزون بویدا فطیرین!"

گولور. گولمک همیشه­ کی کیمی اوزونه یاراشیر. ال­لریمی اوزادیرام بؤیوک ننه­ مه ساری... یئل کوچه­ قاپی­سینی چیرپیر. قاپی­نین آچیلی تاق­لارینا باخیرام، اوچموش دیوارلارا، بوش تندیره.

سئرچه ­لرین سسیندن باشقا هئچ زاد ائشیتمیرم. بیر آز اوشویورم. دوروب پالتاریمی چیرپا - چیرپا کوچه­ یه چیخیرام. قاپی آچیق قالیر.



 

یازانی:پریسا میرزایی ماهر

★★★★★★★★★★★★★★★★★★★★★★★★
عــشقین کے قــراریندا وفــــا اولمیاجایمیش
بیلمم کے طبیعت نـــیہ قویموش بو قرارے

★★★★★★★★★★★★★★★★★★★★★★★★
یافتن تمامی ارسال‌های این کاربر
نقل قول این ارسال در یک پاسخ
 سپاس شده توسط sakinh
ارسال پاسخ 


پرش به انجمن:


کاربرانِ درحال بازدید از این موضوع: 1 مهمان

در گوگل محبوب کنید :