logo-samandehi

    قوانین انجمن:
  • سرقت ادبی ممنوع
  • هر شاعر می تواند هر هفته یک شعر درج نماید. اشعار در پایان هفته توسط مدیران بررسی و تایید می گردد.
  • از ارسال تاپیک و کامنت موهن جداً خودداری نمایید و از نقد غیر تخصصی و احساسی بپرهیزید.
  • به جای درج پاسخ های کوتاهی مانند «زیبا بود» ، از گزینه ی «تشکر» استفاده نمایید.


ارسال پاسخ 
 
امتیاز موضوع:
  • 0 رأی - میانگین امتیازات: 0
  • 1
  • 2
  • 3
  • 4
  • 5
بیلمم هارا گئتدی اوشاقلیقلاریم
۹۵/۹/۱۸, (۰۷:۰۵ عصر)
ارسال: #1
بیلمم هارا گئتدی اوشاقلیقلاریم
بیلمم هارا گئتدی اوشاغلیقلاریم
هاردا قالدی،دوران هاردا ایتیردی
چرخینه میندیریب هی دولاندریب
هاردا ائیدیم ایندی هارا یئتیردی

اوره ییم سیخیلیر،گوزلریم جوشور
یادیما دوشنده اوتن گونلریم
اوشاقلیقدا گزیب دولانماقلاریم
زامان دالغاسیندا ایتن گونلریم

کاش قاییدام بیرده آنا وطنه
گزه م دره لرین گزه م داغلارین
دوشم قاپی قاپی کندین ایچینده
یُوخلویام بیر به بیر توت آغاجلارین

بیرده سئیره چیخام خیردا مئشییه
سونرا گئدم گزه م قالا بویونو
ییغام اوشاقلاری اوردا باشیما
اوینویام بیر چیلینگ آغاج اویونو

چیخام کندین ایچین آغزی یوخاری
دولانام دولایی گئدن یُوللارین
موتال بولاغینین سویوننان ایچم
گزه م مئشه سینده آلچا کُوللارین

باخیرام قشلاقا گئدن یُوللارا
کؤهوللوده قویون قوزو مله شیر
پرده کیمین کئچیر اؤنومدن بولار
اوره ییم کَدَره درده بله شیر


هله ده خیالیم گؤنِی لرده دی
قوش کیمین هی اوچور قالا بویونا
چاناغ دره سینده گزیر اوره ییم
داریخیر اوره ییم بولاغ سویونا



خیردا مئشه: بیر خیردا آغاجلی و گوللو مئشه ایدی آما ایندی آغاجلاری کسیلیب و آدیندان باشقا بیر شئی قالماییب

قالا بویون: بیر بویوک داغدی چاناق کندینین گون باتان طرفینده . دئمه لی بیر تاریخی یئردی و کئچمیش و اوزاق زامانلاردا بو داغین دالیندا بویوک بیر کند واریمیش و داغیندا باشیندا بیر قالا واریمیش و بو داغین آدیدا او قالادان دوتولوب

موتال بولاغی: بیر سرین و دورو ایچملی سویلو بیر بولاغدی و چاناغ کندیندن یانبلاغ کندینه گئدن یولون اوسته اولور . کیچن زامانلاردا بو بولاغین اوستونده بیر کؤهول واریمیش کی ایندیجه داها گؤرونمور، کؤچری شاهسون عشایر بو کؤهوله موتال لارین قویارمیشلار، اونا خاطیر بو بولاغین آدی موتال بولاغی قالیب

کؤهوللو: چاناغ کندینین گون چیخان طرفینده اولان بویوک بیر دره دی کی بیر شُور سویلو بیر بولاغی دا وارئیدی. ایندیجه بو بولاغ قورویوب
بو دره نینده باش طرف لرینده بیر تاریخی قالا وارئیدی و ایندی هئچ بیر اثر داها قالماییب
بو دره دن بیر یول آغاقشلاقینا وارئیدی

چاناغ دره سی: بو دره کندین اوستونده اولان، گزمه لی و یاز اولاندا یام یاشیل بیر دره دی








★★★★★★★★★★★★★★★★★★★★★★★★
عــشقین کے قــراریندا وفــــا اولمیاجایمیش
بیلمم کے طبیعت نـــیہ قویموش بو قرارے

★★★★★★★★★★★★★★★★★★★★★★★★
یافتن تمامی ارسال‌های این کاربر
نقل قول این ارسال در یک پاسخ
 سپاس شده توسط آرزو حاجی خانی ، فرهاد گل
۹۵/۹/۲۸, (۰۱:۰۹ صبح)
ارسال: #2
RE: بیلمم هارا گئتدی اوشاقلیقلاریم
اوره ییم سیخیلیر،گوزلریم جوشور
یادیما دوشنده اوتن گونلریم
اوشاقلیقدا گزیب دولانماقلاریم
زامان دالغاسیندا ایتن گونلریم


درود برشما
خیلی پراحساس وزیبا و سوزناک بود
دوست داشتم واقعا
اوتن گونلرم
ایتن گونلرم
..
ممنون از احساس خوبتون

تو بی نهایت عجیب و غریب، زیبایی
من ازشکوه تو در ازدحام میترسم

بمان کنارمن امشب، بجنگ تاخودصبح
من از مبارزه ی ناتمام میترسم


رضا رحیمی
مشاهده‌ی وب‌سایت کاربر یافتن تمامی ارسال‌های این کاربر
نقل قول این ارسال در یک پاسخ
 سپاس شده توسط آذراوغلو
۹۵/۱۰/۱۰, (۰۷:۵۱ عصر)
ارسال: #3
RE: بیلمم هارا گئتدی اوشاقلیقلاریم
سلام و عرض ادب
خوشحالم که موردتوجه تان قرار گرفته و از حضورتان سپاسگزارم
گونلریز سئوینجلی و یام یاشیل اولسون

★★★★★★★★★★★★★★★★★★★★★★★★
عــشقین کے قــراریندا وفــــا اولمیاجایمیش
بیلمم کے طبیعت نـــیہ قویموش بو قرارے

★★★★★★★★★★★★★★★★★★★★★★★★
یافتن تمامی ارسال‌های این کاربر
نقل قول این ارسال در یک پاسخ
 سپاس شده توسط آرزو حاجی خانی
ارسال پاسخ 


پرش به انجمن:


کاربرانِ درحال بازدید از این موضوع: 1 مهمان

در گوگل محبوب کنید :