logo-samandehi

    قوانین انجمن:
  • سرقت ادبی ممنوع
  • هر شاعر می تواند هر هفته یک شعر درج نماید. اشعار در پایان هفته توسط مدیران بررسی و تایید می گردد.
  • از ارسال تاپیک و کامنت موهن جداً خودداری نمایید و از نقد غیر تخصصی و احساسی بپرهیزید.
  • به جای درج پاسخ های کوتاهی مانند «زیبا بود» ، از گزینه ی «تشکر» استفاده نمایید.


آخرین موضوع ها: --- آغاز فعالیت کانال تلگرام انجمن شاعران جوان --- آغاز فعالیت صفحه ی رسمی اینستگرام انجمن شاعران جوان --- ثبت اشعار اعضای انجمن در سامانه ثبت وزارت ارشاد --- جلسه حضوری کارگاه تخصصی غزلترانه --- گزارش دومین عصر شعر ۳۱ تیرماه ۹۵ --- مسابقه فیلم نامه نویسی ---

ارسال پاسخ 
 
امتیاز موضوع:
  • 0 رأی - میانگین امتیازات: 0
  • 1
  • 2
  • 3
  • 4
  • 5
لال قیز
۹۵/۹/۲۱, (۰۵:۰۲ عصر)
ارسال: #1
لال قیز
آی دولاندی، ایل کئچدی. اوغلان ائولندی، بیر اوشاغلاری اولدی. آروادی اونون باجی سینی بئله حدیندن آرتیق عزیز له مه سینی گوره بیلمیردی. بیر دفعه بیر حیله قوروب اونو گوزدن سالماق ایسته ییردی. اما بوتون جهد لری بوشا چیخدی. اری نین بیر طوطی قوشو ، بیر ده عرب آتی وار ایدی، اوغلان اونلاری دا حدیندن آرتیق ایسته ییردی. خائن آرواد بیر گون طوطی قوشونی بوغوب ئولدوردی. اری ائوه گلنده یانیقلی یانیقلی دیل توکوب دئدی: باجین سنین طوطی قوشونی بوغوب ئولدوردی. اوغلان دئدی: جانی ساغ اولسون ، بیر قوش نه دیر کی، اوندان ئوتری باجیمین خاطرینه دگیم. آرادان بیر نئجه گون کئچدی، کیشی اووا گئتمیشدی، آرواد اوز قارداشی نی ئور گدیب خلوتجه عرب آتی نین دا باشینی کسدیردی. اری اوودان قاییداندا ینه آه و فغان ائله ییب دئدی: سن نئجه دوزورسن کی، باجین ایندی ده عرب آتینین باشین کسدیردی. اوغلان دئدی من بیر آتدن ئوتوری باجیمی اینجیده بیلمه ­رم. آرواد گوردی بئله ایشلر له ارینی یولدان چیخاردا بیلمیر. اودور کی، باشقا تدبیر توکمگه باشلادی. اری بازارا گئدن کیمی اوز اوغلونی آپاریب شهرین کناریندا قوجا بیر قارییا تاپشیردی. اونا چوخلی پول وئریب دئدی: قاری نه نه، بو اوشاغا آنالیق ائله، بیر نئچه ایلدن سونرا گلیب آپاراجاغام قارییا دا ائله بو لازم ایمیش. او ساعت راضی لیق وئریب اوشاغی گوتوردی. آرواد قارییا تاپشیردی کی، بو سیرری هیچکیمه بیلدیر مه ملیدیر. آرواد قاری نین یانیندان قاییداندان سونرا باشلادی ائو ده یاس گوروب آغلاماغا اری بازار دان قاییدیب آروادینین حالینی پریشان گوروب دئدی: آرواد نه بدبخت ایش اوز وئریب کی، داد و فریاد ائدیرسن؟

آرواد آغلایا ـ اغلایا دئدی: بوندان دا آرتیق بدبخت چی لیک اولار؟ سنین ایستکلی باجین ایندی ده اوغلوموزی اولدورتدیریب. کیشی بو دفعه آروادی نین سوزونه اینانیب غضب لندی. آرواد دئدی آ کیشی، بس ایدی بیز نئیله یک؟ کیشی دئدی: داها بو دفعه دوزمک اولماز منیم الیم گلمیر، قوهوملارینادی، گلیب باجیمی آپاریب آتسینلار مئشه یه. قوی اوندا قورد ـ قوش یه سین. آرواد بئله بیر فرصت آختاریردی کی، اودا الینه دوشمیشدی. او ساعت قوهوم ـ اقراباسینا تاپشیردی کی، قیزی آپاریب آزدیر سیلار .ائله همین گون قیزی آپاریب مئشه نین بیر یرینده بوراخیب گلدیلر. یازیق قیز بیلمه دی نئیله سین ، دیلی ده یوخودور کی، دردیدنی دئسین. آخیردا علاجی کسیلیب باشلادی گئتمگه. اوچ گون، اوچ گئجه یول گئتددی آجیندان لاپ طاقتدن دوشمیشدی ، یئمگه هیچ نه تاپمیردی . بیر دن قاباغینا بیر گیجیتکن لیک چیخدی . تئز اوندان دریب ، اووجوندا اووش دوروب بیر آز یئدی .بیر آز او طرفه باخیب گوردی دوم دوری ، گوز یاشی کیمی بیر بولاق سویو آخیر . بیر ـ ایکی اوووج دا سودان ایچدی . او ساعت قیزین گوزونه ایشیقگلدی ، قیچلارینا طاقت.

تزه دن باشلادی جیغیرلا(کسه یولونان) گئتمگه.بیر ده گوردی کی ، قاباقینجا بیر قشنگ دوشان گئدیر . قیز دوشانین دالینجا او قدر قاچدی کی ، بیر ده گوردی مشه نین اورتاسیندا گوزل بیر عمارتین قارشی (اوز بَه اوز) سیندا دایانیب . بو وقت عمارتین قاپی سی آچیلدی ، دوشان ایچری گیردی . آرادان بیر آز کئچمه میش ایکی نفر خدمتچی گلیب قیزی ایچری آپاردیلار . قیز قیرخ پیلله کان قالخاندان سونرا ائله بیر اطاقا گیردی کی، آغزی آچیلا قالدی. بورا اوقدر قشنگ ایدی کی، آدام حیران قالیردی. اطاقدان بیر گوزل قیز چیخیب اونو یانینا چاغیردی .بیر یرده اوتوردیلار. اطاق صاحبی نه قدر سئوال وئردیسه قیز جواب وئرمه دی، الی ایله اشاره ائله دی کی، لالدیر. ائو صاحبی دئدی: ای گوزل قیز، داها سن لال دگیل سن. مشه ده یه دیگین گیجیتکن، ایچدیگی سو سنین دیلینی آچیب، قورخما دانیش. قیز اونا اینانیب، جواب ویردی، گوردی کی، دانیشا بیلیر. سئویندیگیندن بیلمه دی نه ائیله سین قیز دئدی: سن کیمسن، بورادا هارادیر؟ ائو صاحبی دئدی: من سام پادشاهینین قیزی ایدیم. آتامین وزیریله وکیلی سوزی بیر یره قویوب آتامی ئولدیریب اونا شر آتدیلار. بو ایشدن خبر توددوغیم اوچون منی ده ئولدورمک ایسته دیلر. سنین مشه ده راست گلدیگین دوشان آتامین سحرکار رمالی ایدی. او منه کمک ائدیب، گتیریب بو سرایا چیخارتدی. گوردیگین بو سرای دا اونوندور. او همیشه دوشان جلدینه گزیر. باشینا قضا و قدر گلن بدبخت انسانلارا کمک ائدیر.

بو صحبت دن سونرا لال قیز دا باشینا گلن قضا وقدری اولدن آخراجان دانیشدی. او گوندن هر ایکی قیز دوست لاشیب بیر یرده یاشادیلار. آرادان گون دولاندی، آی کئچدی. لال قیزین قارداشی اووا چیخمیشدی، مشه ده یولی آزیب گلیب همین عمارتین قاباغینا چیخدی .خدمتچی لر اوغلانی گوروب ایچری آپار دیلار. لال قیز قارداشی نی اوزاقدان تانیدی. اما بیلدیر مه دی اوراداکی آداملارا تاپشیردی کی، اوغلانی قوناق ساخلاسینلار. اوغلان گئجه قوناق قالدی. او یوخویا گئدن کیمی باجیسسی اونون خورجونونا بیر قیزیل آلما، جیبینه ده بیر اوزوک قویوب ائو دن چیخدی ، ئوزو ده خدمت چی لره دئدی کی، سحر اوگئدنده جیبینی، خورجونونی آختارارسینیز. بلی، سحر آچیلدی اوغلانا یئمک ایچمک وئردیلر، یاخشی حرمت ائله دیلر. یولا سالاندا دئدیلر: ای غریب اوغلان، بیزیم عمارتدن بیر قیزیل آلما ایله بیر اوزوک ایتیب، اگر سنده دیر سه اوزوسولو ایکن وئر، یوخسا آختاراجاغیق. اوغلان آند امان ایله ییب دئدی: آختارین، اگر مندن تاپیلسا امر ائیله یین بوینومی وورسونلار. ائله بووقت خدمت چی لر اونون خورجونونا باخدیلار، گوردیلر آلما اورادادیر. دئدیلر: سن آند ایچیردین، بس بو نه دیر؟ اوغلان آند امان ائله دی کی، اونو یقین اوزگه سی قویوب. اوغلانین بوغازی توتولدی، چوخ یالواردی، اونا اینانان اولمادی. سونرا اوغلانین جیبینی آختاریب اوزوگی ده تاپدیلار. اوغلان بیلمه دی مه دئسین. خدمتچی لر اوغلانین ال قولونی باغلایاندا باجیسی ایره لی ودورب دئدی: اوغلان ایندی سنه ایناناق، یا بو شئیلره؟ اوغلان دئدی: واللاه منه شر آتماق اوچون بونلاری قصدا ائله ییبلر. قیز دئدی: قارداش منی تانیمادین، اوشئیلری من قویموشام. باشا دوشمه سن کی، سنین آروادین دا منیم باشیما بو اویونی گتیریب. اوغلان باجیسینی تانیدی. اوندان عذر ایسته ییب پشیمان اولدوغونو سویلدی. اوغلان باجیسینی گوتوروب گلدی ائو لرینه، آروادینی چاغیریب دئدی: اگر اوغلومون یریرنی دئمه سن سنی ایکی شاققا ائلیه جگم. آرواد گوردی کی، بوتون ایشلرین اوستو آچیلیب، قورخوسوندان اوغلونون یرینی دئدی. آتاسی گئدیب قاریدان اوشاغینی آلیب گتیردی. سونرا اوز آروادینی آپاریب مشه ده آزدیردی. دئدی: باخ نه اکمیشدین اونو دا بیچدین، ایندی بیلردن کی، پاخیل لیق ائله ییب، شر آتماق نئجه پیس ایشدیر.


★★★★★★★★★★★★★★★★★★★★★★★★
عــشقین کے قــراریندا وفــــا اولمیاجایمیش
بیلمم کے طبیعت نـــیہ قویموش بو قرارے

★★★★★★★★★★★★★★★★★★★★★★★★
یافتن تمامی ارسال‌های این کاربر
نقل قول این ارسال در یک پاسخ
ارسال پاسخ 


پرش به انجمن:


کاربرانِ درحال بازدید از این موضوع: 1 مهمان

در گوگل محبوب کنید :